नई दिल्ली। Motilal Nehru College (Evening) द्वारा वार्षिक खेलकूद प्रतियोगिता 2025–26 के सफल आयोजन कएल गेल, जाहि में खेल, उत्साह आ सामुदायिक भावना के जीवंत प्रदर्शन देखल गेल। तीन दिन तक चलल एहि आयोजन में छात्र-छात्रा, शिक्षक आ गैर-शिक्षक कर्मचारी सभ सक्रिय भागीदारी निभेलनि, आ पूरा कॉलेज परिसर खेलकूदक माहौल सँ गूंज उठल।
एहि खेल प्रतियोगिता में 18 ट्रैक एंड फील्ड इवेंट्स के संग-संग बास्केटबॉल, वॉलीबॉल आ बैडमिंटन जेकाँ खेल शामिल छल। छात्र सभ 100 मीटर, 200 मीटर, 400 मीटर दौड़, लंबी कूद आ गोला फेंक में भाग लेलनि। शिक्षक आ कर्मचारी सभ सेहो मजेदार प्रतियोगिता जेकाँ दौड़, म्यूजिकल चेयर आ रस्साकशी में उत्साह सँ हिस्सा लेलनि।
समापन दिवस पर कार्यक्रम अत्यंत भव्य रहल। दिनक शुरुआत अनुशासित मार्च पास्ट सँ भेल, ओकर बाद ध्वजारोहण आ शपथ ग्रहण समारोह आयोजित कएल गेल, जाहि में खेल भावना, एकता आ निष्पक्षता के संदेश देल गेल।
कार्यक्रमक उद्घाटन मुख्य अतिथि Prof. Balaram Pani द्वारा कएल गेल। एहि अवसर पर विशिष्ट अतिथि के रूप में Col. Surinder Singh आ Jagvir Malik उपस्थित छलाह।
एहि आयोजन Prof. Sandeep Garg केर संरक्षण में सम्पन्न भेल, जिनकर मार्गदर्शन आ सहयोग कार्यक्रम के सफल बनाब’ में महत्वपूर्ण रहल। आयोजन शारीरिक शिक्षा आ खेल विज्ञान विभाग द्वारा कएल गेल, जाहि में कॉलेजक NCC आ NSS इकाई सभक सेहो सराहनीय योगदान रहल।
प्रतियोगिता में उत्कृष्ट प्रदर्शन करैत मानस कुमार (बी.ए. प्रोग्राम, प्रथम वर्ष) पुरुष वर्ग में तीन इवेंट में प्रथम स्थान हासिल क’ ‘बेस्ट एथलीट (पुरुष)’ घोषित भेलाह। महिला वर्ग में आहना बराल (बी.ए. प्रोग्राम, प्रथम वर्ष) चारि इवेंट में प्रथम आ एकटा में द्वितीय स्थान प्राप्त क’ ‘बेस्ट एथलीट (महिला)’ बनली।
वार्षिक खेलकूद प्रतियोगिता उत्साहपूर्ण वातावरण में संपन्न भेल, जे शारीरिक फिटनेस, अनुशासन आ टीमवर्क के महत्व के मजबूत बनौलक। एहि आयोजन सँ प्रतिभागी सभ में एकता आ स्वस्थ प्रतिस्पर्धा के भावना विकसित भेल आ सभ के लेल यादगार क्षण छोड़ि गेल।