मुंबई। लक्जरी चॉकलेट ब्रांड Fabelle द्वारा **ITC संगीत रिसर्च एकेडमी (SRA)**क सहयोगसँ भारतीय संगीत आ चॉकलेट केर अनूठा संगम पर आधारित ‘नवरस कलेक्शन’ प्रस्तुत कएल गेल अछि। एहि कलेक्शनमे भारतीय परंपरामे वर्णित नौ भावनाकेँ नौ अलग-अलग हस्तनिर्मित प्रालिनक माध्यमसँ प्रस्तुत कएल गेल अछि।
Fabelle केर मास्टर चॉकलेटियर्स शृंगार, हास्य, करुण, रौद्र, वीर, भयानक, बीभत्स, अद्भुत आ शांत रसकेँ अलग-अलग स्वाद, बनावट आ आकारक माध्यमसँ चॉकलेटमे रूपांतरित केलनि। दोसर दिस, ITC संगीत रिसर्च एकेडमीक कलाकार सभ एहि भावनासँ प्रेरित भऽ नौ मौलिक संगीत रचना तैयार केलनि। कलेक्शनक संग देल गेल QR कोड स्कैन कऽ ग्राहक एहि संगीत रचनाकेँ सुनि सकैत छथि।
ITC लिमिटेडक फूड्स डिवीजनक वाइस प्रेसिडेंट आ बिजनेस हेड सुभाष बालर कहलनि जे नवरस कलेक्शनक माध्यमसँ Fabelle भावनाकेँ स्वाद, बनावट आ आकारक जरिए चॉकलेटमे व्यक्त करबाक प्रयास केलक अछि। ओतहि शरदिंदु दत्ता कहलनि जे भारतीय शास्त्रीय संगीत आ चॉकलेट केर माध्यमसँ एक्के भावनाकेँ दू अलग-अलग इंद्रिय अनुभवक रूपमे प्रस्तुत कएल गेल अछि।
Fabelle नवरस कलेक्शनक कीमत 2,395 रुपैया राखल गेल अछि। ई चुनिंदा Fabelle बुटीक आ ऑनलाइन चैनलक माध्यमसँ उपलब्ध होयत।
कंपनीक अनुसार, शृंगार रसकेँ दिलक आकारक रूबी चॉकलेट आ एक्वा रोजक संयोजनसँ तैयार कएल गेल अछि। रौद्र रसकेँ तेसर आँखिसँ प्रेरित आकार, डार्क चॉकलेट, एंचो चिली आ कैंडिड मैंगोक संग प्रस्तुत कएल गेल अछि।
एहि क्रममे वीर रसमे 70 प्रतिशत डार्क चॉकलेट आ मैकाडामियाक उपयोग कएल गेल अछि। शांत रसकेँ सफेद गुलाबसँ प्रेरित आकारमे अकैशिया हनी आ मिल्क चॉकलेट मूसक संयोजनक संग तैयार कएल गेल अछि।
‘नवरस कलेक्शन’क माध्यमसँ भारतीय कला, संगीत, सौंदर्यशास्त्र आ चॉकलेट निर्माणक शिल्पकेँ एकटा अनूठ अनुभवक रूपमे प्रस्तुत करबाक प्रयास कएल गेल अछि।