30 हजार वर्गफुटमे बनल नवका स्टोरसँ दक्षिण आ मध्य दिल्लीक ग्राहकसभकेँ भेटत बेहतर खरीदारी अनुभव
नई दिल्ली, 21 जुलाई 2026: वैश्विक फर्नीचर आ होम फर्निशिंग ब्रांड IKEA इंडिया 30 जुलाई 2026 केँ डीएलएफ एवेन्यू, साकेत मे दिल्लीक अपन दोसर सिटी स्टोर खोलबाक घोषणा कएलक अछि। पश्चिमी दिल्लीक पहिल स्टोर आ ई-कॉमर्स सेवाकेँ भेटल उत्साहजनक प्रतिक्रिया केँ देखते कंपनी आब राजधानीमे अपन पहुँच आर बढ़ा रहल अछि।
लगभग 30,000 वर्गफुट (2,800 वर्गमीटर) मे फैलल ई नवका स्टोर दक्षिण दिल्ली, मध्य दिल्ली आ आसपासक इलाकाक ग्राहकसभकेँ सुविधाजनक खरीदारीक अनुभव देत। एतय ग्राहक करीब 3,000 उत्पाद देख आ खरीद सकैत छथि, जाहिमे 1,400 उत्पाद तुरन्त संग लऽ जाए योग्य उपलब्ध रहत। एकर अतिरिक्त 6,900 सँ बेसी उत्पाद IKEA केर वेबसाइट, मोबाइल ऐप आ Shop by Phone सेवाक माध्यमसँ ऑर्डर कएल जा सकैत अछि।
IKEA इंडिया केर मुख्य कार्यकारी अधिकारी (CEO) पैट्रिक एंटोनी कहलनि जे साकेत आ डीएलएफ एवेन्यू IKEA लेल स्वाभाविक रूपसँ उपयुक्त स्थान अछि। हुनकर कहब छल जे दिल्लीमे दोसर सिटी स्टोर खुललासँ ग्राहकसभ लेल अपन बजट आ जीवनशैलीक अनुसार घर सजाबय लेल बेहतर विकल्प चुननाय आर आसान भऽ जाएत। कंपनीक टीम दक्षिण दिल्लीक बहुतो घरक अध्ययन कए स्थानीय लोकनिक आवश्यकता आ जीवनशैली केँ बुझि एहि स्टोरक डिजाइन तैयार कएलक अछि।
डीएलएफ रिटेल केर ग्रुप एग्जीक्यूटिव डायरेक्टर आ DCCDL केर पूर्णकालिक निदेशक पुष्पा बेक्टर कहलनि जे IKEA केर आगमन डीएलएफ एवेन्यू लेल महत्वपूर्ण उपलब्धि अछि। एहि सँ ग्राहकसभकेँ विश्वस्तरीय ब्रांड, खरीदारी, स्वादिष्ट भोजन आ मनोरंजनक सुविधा एकहि स्थान पर भेटत।
ई स्टोर दिल्ली-एनसीआरमे IKEA केर बढ़ैत लोकप्रियताक आधार पर विकसित कएल गेल अछि। क्षेत्रमे आब 3 लाख सँ बेसी IKEA Family सदस्य जुड़ि चुकल छथि। स्टोरमे संयुक्त परिवार, आधुनिक अपार्टमेंट आ छोट शहरी घरसभक जरूरतकेँ ध्यानमे राखि प्रेरणादायक रूम सेटअप आ स्मार्ट होम सॉल्यूशन तैयार कएल गेल अछि।
ग्राहकसभ एतय होम प्लानिंग, इंटीरियर सलाह, डिलीवरी, असेंबली आ इंस्टॉलेशन जेकाँ सेवाक लाभ सेहो उठा सकैत छथि। खरीदारीक बाद ग्राहक IKEA Café मे लोकप्रिय स्वीडिश व्यंजन आ स्थानीय स्वादक आनंद सेहो लऽ सकैत छथि।
कंपनीक अनुसार दक्षिण दिल्लीमे आब लोक अपन घरकेँ केवल सजाबैत नहि छथि, बल्कि समय-समय पर बदलैत जरूरतक अनुसार अपडेट सेहो करैत छथि। एहि कारण सँ बहुउपयोगी फर्नीचर, स्मार्ट स्टोरेज समाधान, प्राकृतिक सामग्री आ आधुनिक डिजाइनक मांग तेजी सँ बढ़ि रहल अछि। साकेत सिटी स्टोर विशेष रूप सँ एहि बदलैत जरूरतकेँ ध्यानमे राखि तैयार कएल गेल अछि।
उल्लेखनीय अछि जे IKEA वर्ष 2025 मे ई-कॉमर्सक माध्यमसँ दिल्ली-एनसीआरमे अपन सेवा शुरू कएने छल। वर्तमानमे ग्राहक डिजिटल प्लेटफॉर्मक संग दिल्लीक दुनू सिटी स्टोर आ गुरुग्राम स्थित सेंट्रल डिस्ट्रीब्यूशन सेंटरक सुविधाक लाभ उठा रहल छथि। कंपनी भविष्यमे गुरुग्राम आ नोएडामे बड़का फॉर्मेट स्टोर विकसित कए दिल्ली-एनसीआरमे अपन दीर्घकालिक निवेश आर मजबूत करबाक योजना पर काज कऽ रहल अछि।