526 किलोमीटरक सेगमेंटमे सभसँ बेसी रेंज, 25,000 रुपैयामे प्री-बुकिंग शुरू
नई दिल्ली, 21 जुलाई 2026: भारतक प्रमुख मास-प्रीमियम ऑटोमोबाइल कंपनी किआ इंडिया अपन दोसर मास-मार्केट इलेक्ट्रिक एसयूवी ‘सायरोस ईवी’ लॉन्च कएलक अछि। एहि संग कंपनी अपन वेबसाइट आ देशभरिक डीलरशिपसभ पर मात्र 25,000 रुपैया मे प्री-बुकिंग सेहो शुरू कए देने अछि।
कंपनीक अनुसार, सायरोस ईवी अपन सेगमेंटमे 526 किलोमीटरक एआरएआई प्रमाणित रेंज दैत अछि, जे एहि श्रेणीक सभसँ बेसी रेंज अछि। ई एमआईडीसी फुल टेस्ट अनुसार 500 किलोमीटरसँ बेसी दूरी तय करए बला अपन सेगमेंटक पहिल गाड़ी बनि गेल अछि। एहि गाड़ीक 42 kWh बैटरी पैक सेहो उपलब्ध अछि, जाहिसँ 443 किलोमीटर तकक प्रमाणित रेंज भेटैत अछि।
दमदार परफॉर्मेंस आ तेज चार्जिंग
सायरोस ईवीमे 171 पीएसक पावर आउटपुट देल गेल अछि, जे अपन श्रेणीमे सर्वश्रेष्ठ मानल जा रहल अछि। ई गाड़ी 100 kW डीसी फास्ट चार्जर केर मददसँ मात्र 39 मिनटमे 10 प्रतिशतसँ 80 प्रतिशत धरि चार्ज भऽ जाइत अछि।
लंबा समय धरि निश्चिंत स्वामित्व
किआ इंडिया ग्राहकसभक भरोसा मजबूत करबाक लेल लाइफटाइम हाई-वोल्टेज बैटरी वारंटी, गारंटीड बायबैक प्रोग्राम आ बैटरी ऐज़ अ सर्विस (BaaS) जेकाँ सुविधा सेहो देने अछि। एहि विकल्पसभसँ इलेक्ट्रिक गाड़ी किनबाक समय ग्राहकक मुख्य चिंता काफी हद तक कम होएत।
20 हजारसँ बेसी चार्जिंग प्वाइंटक सुविधा
कंपनीक K-Charge नेटवर्क देशक 23 प्रमुख चार्जिंग ऑपरेटरक 20,300 सँ बेसी चार्जिंग प्वाइंट केँ एकहि मंच पर जोड़ैत अछि। MyKia App केर माध्यमसँ एकहि डिजिटल वॉलेट द्वारा चार्जिंग भुगतान सेहो सरल बनाओल गेल अछि।
आधुनिक तकनीकसँ भरल एसयूवी
सायरोस ईवीमे 30 इंचक वाइड ट्रिनिटी पैनोरमिक डिस्प्ले, हरमन कार्डनक 8-स्पीकर प्रीमियम साउंड सिस्टम, ओवर-द-एयर (OTA) सॉफ्टवेयर अपडेट, आ अत्याधुनिक कनेक्टेड फीचर्स उपलब्ध अछि।
सुरक्षाक दृष्टिसँ ई गाड़ी ADAS लेवल-2 तकनीकसँ लैस अछि, जाहिमे 16 ऑटोनॉमस ड्राइविंग फीचर्स आ 25 स्टैंडर्ड सुरक्षा फीचर्स शामिल अछि।
कंपनीक की कहलनि सीईओ?
किआ इंडिया केर मैनेजिंग डायरेक्टर आ सीईओ श्री ग्वांगगू ली कहलनि जे कंपनीक उद्देश्य अत्याधुनिक इलेक्ट्रिक मोबिलिटी केँ आम ग्राहक धरि पहुँचेनाय अछि। हुनकर अनुसार, सायरोस ईवी केवल आधुनिक तकनीक नहि, बल्कि ग्राहकसभक रेंज, बैटरी आ स्वामित्वसँ जुड़ल चिंता दूर करबाक दिशा मे महत्वपूर्ण कदम अछि।
हुनका अनुसार, 526 किलोमीटरक बेस्ट-इन-सेगमेंट रेंज, 171 पीएस पावर आउटपुट, लाइफटाइम बैटरी वारंटी, अश्योर्ड बायबैक आ BaaS जेकाँ सुविधा भारतीय परिवारसभ लेल इलेक्ट्रिक वाहन अपनाबय केँ आर आसान बनाओत।
भारतीय ईवी बाजारमे मजबूत दावेदारी
ऑटोमोबाइल विशेषज्ञसभक मानब अछि जे सायरोस ईवीक लॉन्चसँ भारतक इलेक्ट्रिक एसयूवी बाजारमे प्रतिस्पर्धा आर तेज होएत। लंब रेंज, आधुनिक तकनीक, बेहतर सुरक्षा आ भरोसेमंद स्वामित्व पैकेजक कारण ई गाड़ी भारतीय ग्राहकसभ लेल आकर्षक विकल्प बनि सकैत अछि।