नई दिल्ली। काउंसिल फॉर एकेडमिक एंड परफॉर्मेंस अप्रेजल (CAPA) द्वारा भारतीय किसानक सेवा मे आधुनिक तकनीकी नवाचारकेँ प्रोत्साहित करबाक उद्देश्यसँ नई दिल्लीक कॉन्स्टिट्यूशन क्लबमे आयोजित राष्ट्रीय संगोष्ठी सह पुरस्कार समारोह–2026 सफलतापूर्वक सम्पन्न भेल।

कार्यक्रममे मुख्य अतिथिक रूपमे दिल्ली प्रदेशक वरिष्ठ नेता आ पूर्वी दिल्ली नगर निगम (EDMC) केर पूर्व महापौर बिपिन बिहारी सिंह उपस्थित छलाह।

एहि कार्यक्रममे कृषि, शिक्षा, शोध, विज्ञान आ सामाजिक क्षेत्रसँ जुड़ल अनेक गणमान्य व्यक्ति, विशेषज्ञ, वक्ता, शोधकर्ता आ प्रतिभागी भाग लेलनि। सभागार दर्शकसँ भरल छल आ विभिन्न वक्ताक विचारक उपस्थित लोकसभ तालि बजा उत्साहपूर्वक स्वागत कयलनि।

आधुनिक तकनीक आ कृषिक विकास पर भेल विचार-विमर्श

संगोष्ठीमे डॉ. सुरेंद्र पाठक, डॉ. ओ. पी. झा, डॉ. संजय लाभ, डॉ. अमित कुमार, सीएस अनंत झा, आचार्य शुभेश शर्मन, इस्कॉन बेंगलुरु ग्रुपक प्रभु हरिनाम दास आ डी ज्वेल्सक प्रवीण शर्मा सहित अन्य वक्ता अपन विचार रखलनि।

वक्तासभ आधुनिक तकनीकी नवाचारक उपयोगिता, कृषि क्षेत्रमे ओकर संभावित योगदान आ किसान धरि ज्ञान आ तकनीक पहुँचयबाक महत्व पर विस्तारसँ चर्चा कयलनि। संगोष्ठीमे एहि बात पर जोर देल गेल जे आधुनिक तकनीकक उपयोगसँ कृषिक विकासकेँ नव दिशा देल जा सकैत अछि आ किसानसभक लेल नव अवसर सृजित कयल जा सकैत अछि।

CAPA केर पदाधिकारी रहलाह उपस्थित

कार्यक्रममे CAPA केर संस्थापक अरविंद वत्स, सह-संस्थापक निर्मला वत्स, अध्यक्ष प्रो. (इंजीनियर) अनिल मिश्रा, उपाध्यक्ष सुधीर कुमार, ट्रस्टी शेषांक वत्स, सलाहकार सोनम ठाकुर आ अन्य पदाधिकारी उपस्थित रहलाह।

सभ पदाधिकारी संगोष्ठीक उद्देश्य आ ज्ञान, नवाचार तथा उत्कृष्ट योगदानकेँ प्रोत्साहित करबाक महत्व पर अपन विचार व्यक्त कयलनि।

CAPA पुरस्कारसँ उत्कृष्ट योगदान देनिहार सम्मानित

समारोहक प्रमुख आकर्षण CAPA पुरस्कार वितरण रहल। विभिन्न क्षेत्रमे उल्लेखनीय योगदान देनिहार पुरस्कार विजेतासभकेँ प्रमाणपत्र आ स्मृति-चिह्न प्रदान कऽ सम्मानित कयल गेलनि।

एहि सम्मान समारोहक माध्यमसँ उत्कृष्ट कार्यकेँ मान्यता देबाक आ दोसर प्रतिभासभकेँ बेहतर काज करबाक लेल प्रेरित करबाक संदेश देल गेल। पुरस्कार प्राप्तकर्तासभक सम्मानक समय उपस्थित दर्शकसभक सक्रिय भागीदारी देखबा लेल भेटल आ तालिक गड़गड़ाहटसँ पूरा सभागार गूंजि उठल।

भजन प्रस्तुतिसँ मोन मुग्ध

कार्यक्रममे सुयश मिश्रा गिटार पर भक्तिमय भजन प्रस्तुत कयलनि। हुनकर प्रस्तुति ‘अच्युतम केशवम, कृष्ण दामोदरम, जानकी वल्लभम…’ उपस्थित लोकसभक मोन मोह लेलक। भक्तिमय संगीत कार्यक्रमक वातावरणकेँ आनन्दमय आ भावपूर्ण बना देलक।

नवाचार आ कृषिक प्रगतिपर संवादक महत्वपूर्ण पहल

CAPA केर ई आयोजन आधुनिक तकनीकी नवाचार, शैक्षणिक आ वैज्ञानिक योगदान तथा कृषि क्षेत्रक प्रगतिसँ जुड़ल विषय पर संवाद आ विचार-विमर्शकेँ बढ़ावा देबाक दिशामे एकटा महत्वपूर्ण पहल रहल।

कार्यक्रमक समापन उत्साहपूर्ण वातावरणमे भेल। अंतमे CAPA केर संस्थापक अरविंद वत्स उपस्थित सभ गणमान्य अतिथि, वक्ता, पुरस्कार विजेता आ प्रतिभागीसभकेँ धन्यवाद ज्ञापित कयलनि।