मुंबई। एहि बाल दिवस पर जी सिनेमा बच्चासभ आ पूरा परिवार लेल मनोरंजन आ प्रेरणासँ भरल दूटा विशेष फिल्म लऽ आबि रहल अछि। चैनल पर ‘तन्वी द ग्रेट’ आ ‘द ग्रेट ग्रैंड सुपरहीरो: एलियंस का आगमन’क वर्ल्ड टेलीविजन प्रीमियर होयत। दुनू फिल्ममे साहस, कल्पना, आत्मविश्वास आ पारिवारिक संबंधक सुंदर चित्रण कयल गेल अछि।

बाल दिवसक विशेष कार्यक्रमक शुरुआत दुपहर 1:30 बजे ‘तन्वी द ग्रेट’ फिल्मसँ होयत। अनुपम खेर निर्देशित एहि फिल्ममे शुभांगी दत्त मुख्य भूमिका निभौने छथि। फिल्मक केंद्रमे तन्वी नामक एकटा बच्ची छथि, जे ऑटिज्म स्पेक्ट्रम पर रहितो अपन दृढ़ इच्छाशक्ति आ आत्मविश्वासक बल पर एकटा पैघ सपना पूरा करबाक लेल निकलैत छथि।

अपन माँ आ दादाजीसँ भेटल प्रेम आ सहयोग हुनका दिवंगत पितासँ जुड़ल एकटा विशेष इच्छा पूरा करबाक प्रेरणा दैत अछि। एहि यात्रामे तन्वी सामाजिक सोच आ पूर्वाग्रहके चुनौती दैत छथि आ ई संदेश दैत छथि जे दोसरासँ अलग होयब कोनो कमजोरी नहि। फिल्म आत्मविश्वास, संघर्ष आ सपनाके पूरा करबाक साहसक कथा कहैत अछि।

फिल्मक निर्देशक अनुपम खेर कहलनि जे ‘तन्वी द ग्रेट’ हुनकर व्यक्तिगत रूपसँ बहुत प्रिय फिल्मसभमे सँ एक अछि। तन्वीक कथा एहन अदम्य साहस आ संकल्पक कथा अछि, जे ‘ई नहि भऽ सकैत अछि’ जेकाँ सोचके स्वीकार नहि करैत अछि। हुनका खुशी अछि जे बाल दिवसक अवसर पर जी सिनेमा एहि फिल्मके देशभरक परिवार धरि पहुँचा रहल अछि। ओ आशा व्यक्त कयलनि जे माता-पिता आ बच्चा एक संग बैसि फिल्म देखताह आ एकर प्रेरणादायक संदेश अपन जीवनमे ग्रहण करताह।

तन्वीक भूमिका निभाबय वाली अभिनेत्री शुभांगी दत्त कहलनि जे एहि किरदार हुनका धैर्य, साहस आ हार नहि मानबाक सीख देलक। हुनकर अनुसार फिल्मक मुख्य संदेश अछि जे प्रत्येक बच्चामे किछु विशेष करबाक क्षमता होइत अछि, बस ओकरा एहन लोकक जरूरत होइत अछि जे ओकरा पर विश्वास करय।

बाल दिवसक उत्सवमे रोमांच आ मनोरंजन जोड़बाक लेल राति 8 बजे ‘द ग्रेट ग्रैंड सुपरहीरो: एलियंस का आगमन’क प्रीमियर होयत। मनीष सैनी निर्देशित एहि फिल्ममे बच्चासभक एकटा समूहक कहानी देखाओल गेल अछि, जाहिमे एकटा कल्पनाशील बच्चा अपन मित्रसभके विश्वास करबैत अछि जे ओकर प्रिय दादाजी, जिनकर भूमिका जैकी श्रॉफ निभौने छथि, असाधारण सुपरपावर रखैत छथि।

किछु रहस्यमय घटनाक बाद बच्चासभ दोस्ती, मस्ती आ रोमांचसँ भरल यात्रापर निकलैत छथि। फिल्ममे दादा-पोता बीचक आत्मीय संबंध, बचपनक कल्पनाशीलता, जिज्ञासा आ साहसके मनोरंजक ढंगसँ प्रस्तुत कयल गेल अछि।

अभिनेता जैकी श्रॉफ कहलनि जे बच्चासभक दुनिया कल्पना, आश्चर्य आ अनगिनत संभावनासँ भरल रहैत अछि। प्रत्येक बच्चा अपन पिता वा दादाके सुपरहीरो मानैत अछि। एहि फिल्मक माध्यमसँ बचपनक ओहि मासूम खुशी आ सुपरहीरो सभक जादूके पर्दापर उतारबाक प्रयास कयल गेल अछि।

निर्देशक मनीष सैनीक कहब छनि जे बाल दिवस कल्पना, जिज्ञासा आ नव चीज खोजबाक खुशी मनाबय के अवसर अछि। फिल्ममे हँसी, रोमांच आ सुपरहीरो एडवेंचरक संग साहस आ सही बातक पक्षमे ठाढ़ होयबाक संदेश सेहो देल गेल अछि।

जी सिनेमा के एहि विशेष बाल दिवस आयोजनमे दुनू फिल्म अलग-अलग विषयक माध्यमसँ बच्चासभके प्रेरित करत। जतय ‘तन्वी द ग्रेट’ आत्मविश्वास आ सामाजिक सोचके चुनौती देबाक संदेश दैत अछि, ओतहि ‘द ग्रेट ग्रैंड सुपरहीरो: एलियंस का आगमन’ बचपनक कल्पना, दोस्ती आ पीढ़ीसभक बीचक प्रेमके उत्सव मनबैत अछि।

फिल्म प्रसारणक समय:

• ‘तन्वी द ग्रेट’ – दुपहर 1:30 बजे।
• ‘द ग्रेट ग्रैंड सुपरहीरो: एलियंस का आगमन’ – राति 8 बजे।

एहि बाल दिवस पर जी सिनेमा संग परिवारक संग बैसि दुनू फिल्मक आनंद लिअ।