आज सारण जिले के बकरपुर-मानिकपुर सड़क पर पटना-बेतिया एक्सप्रेस-वे के निर्माण कार्य के प्रथम खण्ड का निरीक्षण किया और अधिकारियों को तेजी से कार्य पूर्ण करने का निर्देश दिया।
इस परियोजना के पूर्ण होने के बाद पटना से बेतिया 3 घंटों में आसानी से पहुंचा जा सकेगा। इस ग्रीनफील्ड… pic.twitter.com/gZ9vfp8yyg
— Nitish Kumar (@NitishKumar) April 13, 2026
छपरा/सोनपुर। इस्तीफा के चर्चाक बीचो-बीच मुख्यमंत्री नीतीश कुमार पूर्ण रूप सँ एक्शन मोड में देखाइ देलथि। अपन संभावित इस्तीफा सँ एक दिन पहिने सेहो ओ विकास कार्यक समीक्षा आ निरीक्षण के क्रम जारी रखलनि।
मुख्यमंत्री नीतीश कुमार अचानक हाजीपुर आ सोनपुर पहुँचलथि, जतय ओ छपरा जिला अंतर्गत बाकरपुर–मानिकपुर फोरलेन सड़क निर्माण कार्यक निरीक्षण कएलनि। संगहि ओ जेपी सेतु के समानांतर बनि रहल नव पुलक स्थल पर पहुँचि ओकरो जायजा लेलनि।
निरीक्षण के दौरान मुख्यमंत्री अधिकारी सभ सँ निर्माण कार्यक प्रगति के विस्तृत जानकारी लेलनि आ गुणवत्ता के समीक्षा कएलनि। ओ स्पष्ट निर्देश देलनि जे सभ विकास कार्य तय समय सीमा के भीतर आ उच्च गुणवत्ता के संग हर हाल में पूरा कएल जाय।
एहि अवसर पर मुख्यमंत्री संग वरिष्ठ अधिकारी सभक एक दल सेहो मौजूद छल, जे परियोजना सभक प्रगति आ तकनीकी पहलु के जानकारी देलक।