नई दिल्ली। भारत सरकारक स्वास्थ्य आ परिवार कल्याण मंत्रालय अंतर्गत संयुक्त परामर्शदात्री तंत्र (JCM) केर डिपार्टमेंटल काउन्सिलक लीडर स्टाफ साइड आ सेक्रेटरी स्टाफ साइड पद लेल चुनाव सोमदिन अखिल भारतीय CGHS कर्मचारी संघ (AICGHSEA) केर केंद्रीय मुख्यालय, नई दिल्ली मे सौहार्दपूर्ण आ लोकतांत्रिक माहौल मे संपन्न भेल।
चुनाव प्रक्रिया मे मंत्रालय द्वारा नामित 14 सदस्य मे सँ 13 सदस्य प्रत्यक्ष रूप सँ उपस्थित रहलाह, जबकि एक सदस्य ऑनलाइन माध्यम सँ अपन समर्थन देलाह। एहि अवसर पर पूर्व JCM लीडर जयदेव जी सहित विभिन्न स्वास्थ्य संगठन आ शाखाक अनेक पदाधिकारी उपस्थित रहलाह।
कार्यक्रमक शुरुआत AICGHSEA केर केंद्रीय कार्यकारिणी द्वारा सभ अतिथि आ प्रतिभागीक स्वागत-सत्कार सँ भेल। तत्पश्चात सर्वसम्मति सँ सत्य नारायण जी केँ प्रेसाइडिंग ऑफिसर आ संघक राष्ट्रीय महासचिव श्री शशिकान्त शर्मा केँ असिस्टेंट प्रेसाइडिंग ऑफिसर नियुक्त कयल गेल।
श्री सत्य नारायण जी केर अध्यक्षता मे सम्पन्न चुनाव प्रक्रिया मे सर्वसम्मति सँ AICGHSEA केर वरिष्ठ नेता श्री विनीत कुमार चौहान केँ लीडर स्टाफ साइड आ GMSD कर्मचारी संघक वरिष्ठ प्रतिनिधि श्री दिलबाग सिंह केँ सेक्रेटरी स्टाफ साइड चुनल गेल।
घोषणा केर बाद उपस्थित सभ प्रतिनिधि दुनू नवनिर्वाचित पदाधिकारीक सम्मान कयलनि आ हुनका शुभकामना देलनि।
अपन संबोधन मे नवनिर्वाचित लीडर स्टाफ साइड श्री विनीत कुमार चौहान कहलनि जे हुनकर प्राथमिकता केवल कर्मचारीक समस्या उठेबा धरि सीमित नहि रहत, बल्कि देशक स्वास्थ्य सेवाकेँ बेहतर आ विश्वस्तरीय बनेबाक लेल ठोस प्रयास कयल जाएत।
हुनका कहलनि जे स्वास्थ्य मंत्रालय आ एकर अधीन संस्थान मे कार्यरत कर्मचारी सभकेँ बेहतर कार्यस्थल सुविधा, सुरक्षा, निष्पक्ष पदोन्नति, सम्मानजनक पेंशन आ सामाजिक सुरक्षा उपलब्ध कराओल जाए, ई हुनकर प्रमुख जिम्मेदारी रहत।
हुनका कहलनि,
“हम सभ संगठन केँ संग लऽ कर्मचारीक अधिकारक रक्षा आ स्वास्थ्य सेवाकेँ मजबूत बनेबाक लेल पूर्ण प्रतिबद्धताक संग काज करब।”
एहि अवसर पर AICGHSEA केर राष्ट्रीय महासचिव श्री शशिकान्त शर्मा कहलनि जे निदेशक CGHS केर उदासीन रवैयाक कारण कर्मचारी हित सँ जुड़ल अनेक महत्वपूर्ण मुद्दा लम्बा समय सँ लंबित पड़ल अछि।
हुनका विश्वास जतौलनि जे आब JCM मे AICGHSEA केर नेतृत्वकारी भूमिका सँ कर्मचारीक आवाज स्वास्थ्य सचिव सँ लऽ कैबिनेट सचिव स्तर धरि प्रभावी ढंग सँ पहुँचत।
हुनका कहलनि जे संगठन आगाँ स्थानांतरण SOP केर उल्लंघन, ट्रांसफर प्रक्रिया मे भ्रष्टाचार, शाखा पदाधिकारीक उत्पीड़न, सिटी मुख्यालय पोस्टिंग मे भेदभाव आ लंबित मांगपत्र जकाँ मुद्दा जोरदार ढंग सँ उठाओत।
कार्यक्रमक समापन कर्मचारी हितक रक्षा, संगठनात्मक एकजुटता आ स्वास्थ्य सेवाकेँ सशक्त बनेबाक सामूहिक संकल्प केर संग भेल।