मुंबई। बॉलीवुड अभिनेत्री ईशा देओल (Esha Deol) अपन फिल्मी करियरमे एकटा नव आ रोचक अध्यायक शुरुआत करय जा रहल छथि। आगामी हॉरर-कॉमेडी फिल्म ‘घूंघट’ मे ओ पहिल बेर एहि विधामे अभिनय करैत नजर एताह। निर्देशक Rajeev Ruia आ निर्माता Devesh Kumar द्वारा निर्मित एहि फिल्ममे डर, हास्य, प्रेम, फैंटेसी आ भावनात्मक तत्वक अनोखा मिश्रण दर्शकसभके एकटा अलग सिनेमाई अनुभव देबाक प्रयास करत।
फिल्मकेँ लऽ कऽ उत्साहित ईशा देओल कहलनि, “घूंघट’ हमर लेल एकदम नव जॉनर अछि। हम हॉरर आ कॉमेडी दुनू तरहक फिल्ममे काज कएने छी, मुदा दुनूक ई संगम अत्यन्त खास आ रोमांचक अनुभव रहल अछि।” हुनक अनुसार ई फिल्म केवल मनोरंजन धरि सीमित नहि अछि, बल्कि एकर भीतर गहिर सामाजिक आ भावनात्मक संदेश सेहो समाहित अछि।
रहस्यमय गाम जांगीपुरा केर पृष्ठभूमिमे आधारित एहि कथामे ‘भूरी’ नामक आत्माक पीड़ादायक अतीत पूरा गामकेँ एक भयावह अभिशापमे जकड़ि दैत अछि। ईशा कहैत छथि, “एहि कथाक सबसँ पैघ विशेषता ई अछि जे ई दर्शकसभकेँ हँसाबैत सेहो अछि, डराबैत सेहो अछि आ सोचय लेल मजबूर सेहो करैत अछि।”
‘घूंघट’ केर माध्यमसँ ईशा देओल फेर एक बेर साबित करय जा रहल छथि जे ओ हर नव चुनौती आ किरदारकेँ आत्मविश्वासक संग स्वीकार करबामे विश्वास रखैत छथि। फिल्मक अनोखा कथानक आ हॉरर-कॉमेडीक मिश्रण दर्शकसभमे उत्सुकता बढ़ा रहल अछि।