नई दिल्ली। 5म पीएसपीबी बाबा दीप सिंह बास्केटबॉल (पुरुष आ महिला) टूर्नामेंट के चौठम दिन रोमांचक मुकाबला देखल गेल, जतय गार्गी कॉलेज, मिरांडा हाउस, स्टनर अकादमी आ एसजीटीबी खालसा कॉलेज अपन-अपन लीग मैच जीत क’ अगिला दौर दिस मजबूत कदम बढ़ौलक।
मेजबान एसजीटीबी खालसा कॉलेजक कोर्ट पर महिला वर्ग में गार्गी कॉलेज रामजस कॉलेज के 61-39 स’ हरौलक। गार्गी कॉलेजक श्रुति शानदार प्रदर्शन क’ ‘प्लेयर ऑफ द मैच’ चुनल गेलथि।
दोसर मैच में मिरांडा हाउस, मैत्रेयी कॉलेज के 68-46 स’ पराजित कयलक। मिरांडा हाउसक पार्निका के उत्कृष्ट खेल लेल ‘प्लेयर ऑफ द मैच’ देल गेल।
पुरुष वर्ग में स्टनर अकादमी, हंसराज कॉलेज के 96-81 स’ हरौलक। स्टनर अकादमीक अभिनव के बेहतरीन प्रदर्शन लेल ‘प्लेयर ऑफ द मैच’ घोषित कएल गेल।
ओहि तरह एसजीटीबी खालसा कॉलेज, श्री राम कॉलेज ऑफ कॉमर्स के 92-81 स’ शिकस्त देलक। एहि मैच में खालसा कॉलेजक तनुज के ‘प्लेयर ऑफ द मैच’ पुरस्कार देल गेल।
टूर्नामेंट में लगातार रोमांचक मुकाबला स’ दर्शक सभक उत्साह बनल अछि आ टीम सभ अगिला चरण लेल जोरदार तैयारी में जुटल अछि।