नई दिल्ली। Swami Dayanand Saraswati Inter College T20 Day-Night Tournament क’ तेसर संस्करण मे Delhi College of Arts and Commerce आ Aryabhatta College शानदार जीत दर्ज क’ आगाँ बढ़ल अछि।
पहिल मुकाबला मे DCAC, Shyam Lal College के 23 रन स’ पराजित कएलक। DCAC लेल कुशाग्र सिंह (50 रन), लक्षय राठी (43 रन, 2/26) आ मैन ऑफ द मैच आराध्या सती (4/34) क’ शानदार प्रदर्शन रहल। DCAC 20 ओवर मे 179/8 रन बनौलक, जकर जवाब मे श्याम लाल कॉलेज 20 ओवर मे 156/7 रन पर सिमटि गेल। श्याम लाल लेल रवि राज (48), अनिर्बान (40) आ देवांश बिष्ट (3/27) प्रमुख रहलाह।
दोसर मैच मे बरखा क’ कारण व्यवधान आयल, मुदा Aryabhatta College PGDAV College (Evening) के DLS विधि स’ 3 रन स’ हरौलक। PGDAV (Evening) पहिने बल्लेबाजी करैत 20 ओवर मे 217/7 रन बनौलक, जाहि मे आर्यन दहिया (105 रन, 44 गेंद), अर्णव पांडेय (53) आ रोसेइल हून (4/53) उल्लेखनीय रहलाह।
बरखा क’ बाद आर्यभट्टा कॉलेज के 15 ओवर मे 153 रन क’ संशोधित लक्ष्य भेटल। जवाब मे टीम 15 ओवर मे 156/3 रन बना क’ जीत दर्ज कएलक। लक्षय (64) आ हर्षवर्धन राणा (49) क’ योगदान अहम रहल, जखन कि रोहित मिश्रा (2/41) विकेट लेलाह। एहि मैच मे मैन ऑफ द मैच पुरस्कार रोसेइल हून के देल गेल।