नई दिल्ली। महिला आरक्षण बिल के लेल देशक राजनीति मे गरमाहट बढ़ि गेल अछि। भाजपा नेता आ पूर्व मंत्री रविशंकर प्रसाद कॉन्ग्रेस महासचिव प्रियंका गांधी क’ बयान पर जोरदार पलटवार कएने छथि। प्रियंका गांधी एहि बिल के भाजपा क’ “राजनीतिक साजिश” कहलनि, जाहि पर प्रतिक्रिया दैत रविशंकर प्रसाद कॉन्ग्रेस पर महिला विरोधी मानसिकता के आरोप लगौलनि।
रविशंकर प्रसाद कहलनि जे जखन देशक आधा आबादी के अधिकार देबाक बात होइत अछि, त’ कॉन्ग्रेस हमेशा पीछे हटैत रहल अछि। हुनकर आरोप अछि जे पार्टी न सिर्फ महिला सशक्तिकरण के मुद्दा पर गंभीर नहि अछि, बल्कि अपन भाषा स’ सेहो गलत संदेश दैत अछि।
ओतहि प्रियंका गांधी केंद्र सरकार पर निशाना साधैत कहलनि जे भाजपा महिला सभ के केवल वोट बैंक आ राजनीतिक फायदा लेल इस्तेमाल करैत अछि। हुनकर आरोप रहल जे बिना पर्याप्त तैयारी के जल्दबाजी मे बिल पेश कएल गेल, जाहि स’ सरकार अपने के “महिलाक मसीहा” साबित कर’ चाहैत अछि। प्रियंका गांधी हाथरस, मणिपुर आ महिला खिलाड़ी सभ स’ जुड़ल मुद्दा उठबैत सरकारक नीयत पर सवाल उठौलनि।
प्रियंका गांधी क’ “इस्तेमाल” शब्द पर कड़ी प्रतिक्रिया दैत रविशंकर प्रसाद कहलनि, “महिला कोनो सामान नहि छथि, जकर इस्तेमाल कएल जाए।” हुनकर कहब रहल जे एहन टिप्पणी कॉन्ग्रेस क’ ओछ मानसिकता के दर्शाबैत अछि। ओ कहलनि जे यूपीए सरकार क’ समय सहयोगी दल सभ द्वारा बिल क’ कॉपी फाड़ल गेल छल, ओहि समय प्रियंका गांधी चुप कियैक छलथि।
अंत मे रविशंकर प्रसाद आरोप लगौलनि जे कॉन्ग्रेस के न देशक महिला पर भरोसा अछि आ न संसद पर। हुनकर कहब रहल जे कॉन्ग्रेस केवल दिखावाक राजनीति करैत अछि, जबकि केंद्र सरकार महिला सशक्तिकरण लेल ठोस कदम उठा रहल अछि।