सिखा दिय’ हे भारती
हमरो लोकगीतक मीठ गान
ज्ञानक किछु पाँति सँ
करा दिय’ किछु मधुपान।
खेतक हरियाली देखि
फूलक किशलय देखि
अर्धनारीश्वरक आकृति देखि
पंछी सभक स्वर सुइन
समाज ओ संस्कृति केँ परखैत
जग मे भटकैत सिखय छी अहाँ
मुदित भाट कवि सन अप्पन पाठ
आ कहय छी अप्पन बात।
हे वाग् पुत्री सखि ! हमरो सुनाउ
अभिनवगुप्त कृत किछु स्वप्न गान
परिचित छी अहाँ सँ हम हे भारती
करै छी अहाँ सुन्दर कविता गान।
– रिपुंजय कुमार ठाकुर
Really awesome.. Well depicted in Maithili language.. Literally Superb 🙏🙏