नई दिल्ली: हनुमान जयंती के पावन अवसर पर राजधानी दिल्ली में विभिन्न स्थान पर विशेष पूजा-अर्चना आ धार्मिक कार्यक्रम आयोजित कएल गेल। एहि क्रम में बुराड़ी विधानसभा क्षेत्र के क्रॉस रोड, संत नगर में भक्ति आ श्रद्धा के अद्भुत संगम देखल गेल।
समाजसेवी आ हनुमान भक्त श्री रामकुमार चौधरी आ श्री प्रदीप बाल्यान के अगुवाई में मारूतिनंदन श्री हनुमान जी के विशेष पूजा, भजन-कीर्तन आ हवन आयोजित कएल गेल। कार्यक्रम के दौरान पूरा वातावरण मंत्रोच्चार आ भक्ति संगीत सँ गूंज उठल, जाहि सँ श्रद्धालु भाव-विभोर भ’ गेलाह।
पूजा के उपरांत विशाल भंडारा के आयोजन कएल गेल, जतय सैकड़ों श्रद्धालु प्रसाद ग्रहण कएलनि। एहि आयोजन में आसपास के सनातन परिवार के सक्रिय भागीदारी रहल, जाहि सँ सामाजिक एकता आ सामूहिक आस्था के मजबूत संदेश देल गेल।
कार्यक्रम में बुराडी विधानसभा के विधायक श्री संजीव झा , झड़ौदा वार्ड के निगम पार्षद एडवोकेट गगन चौधरी सहित क्षेत्र के अनेक गणमान्य व्यक्ति आ सामाजिक कार्यकर्ता उपस्थित छलाह। सभे आयोजन के सराहना करैत एकरा समाज में सकारात्मक ऊर्जा फैलाबय वाला बतौलनि। विधायक संजीव झा कहलनि जे एहन धार्मिक आयोजन आध्यात्मिक ऊर्जा देबाक संग-संग सांस्कृतिक परंपरा के जीवित रखय में महत्वपूर्ण भूमिका निभबैत अछि।
हनुमान भक्त श्री रामकुमार चौधरी जानकारी देलनि जे बीतल कई वर्ष सँ हनुमान जयंती पर एहि प्रकार के आयोजन लगातार कएल जा रहल अछि, जाहि के उद्देश्य समाज में भक्ति, सेवा आ एकता के भावना के मजबूत करब अछि। स्थानीय युवा आ स्वयंसेवक सेहो आयोजन में बढ़-चढ़ क’ भाग लेलनि आ एकरा सफल बनाबय में महत्वपूर्ण योगदान देलनि।