नई दिल्ली। भारतीय दूरसंचार नियामक प्राधिकरण (ट्राई) फरवरी 2026 के दौरान गुजरात एलएसए क्षेत्र अंतर्गत अहमदाबाद, गांधीनगर, वडोदरा आ वडोदरा-अहमदाबाद राजमार्ग पर कएल गेल स्वतंत्र ड्राइव टेस्ट (आईडीटी) के निष्कर्ष जारी केने अछि। एहि परीक्षणक उद्देश्य विभिन्न दूरसंचार सेवा प्रदाता (टीएसपी) सभक मोबाइल नेटवर्क के वास्तविक प्रदर्शन के आकलन करब छल।
ट्राई द्वारा कएल गेल ई ड्राइव टेस्ट शहरी क्षेत्र, हॉटस्पॉट आ सार्वजनिक परिवहन केंद्र जेकाँ विभिन्न उपयोग परिवेश मे आयोजित कएल गेल। एहि दौरान 2जी, 3जी, 4जी आ 5जी नेटवर्क पर सभ सेवा प्रदाता सभक सिम कार्ड के उपयोग करैत लाइव डेटा आ वॉयस कॉल के परीक्षण कएल गेल। उन्नत हैंडसेट आ सॉफ्टवेयर के माध्यम सँ रियल-टाइम निगरानी आ विश्लेषण कएल गेल, जाहि आधार पर अंतिम रिपोर्ट तैयार कएल गेल।
ट्राई के नियुक्त एजेंसी 2 सँ 6 फरवरी 2026 के बीच कुल 462.4 किलोमीटर क्षेत्र मे 14 प्रमुख स्थान पर ड्राइव टेस्ट आयोजित कएने अछि। एकर अतिरिक्त अहमदाबाद आ गांधीनगर मे 2.5 किलोमीटर पैदल मार्ग आ वडोदरा-अहमदाबाद राजमार्ग पर 95.3 किलोमीटर के परीक्षण कएल गेल। ई समूचा अभियान ट्राई के जयपुर स्थित क्षेत्रीय कार्यालय के देखरेख मे सम्पन्न भेल।
शहर मे वॉयस सेवा के स्थिति
अहमदाबाद आ गांधीनगर मे वॉयस सेवा के आकलन मे एयरटेल, रिलायंस जियो (आरजेआईएल) आ वीआईएल के प्रदर्शन बेहतर पाओल गेल। एहि कंपनी सभक कॉल सेटअप सफलता दर लगभग 100 प्रतिशत रहल, जखनकि बीएसएनएल के प्रदर्शन अपेक्षाकृत कमजोर रहल। कॉल ड्रॉप दर सेहो निजी कंपनी सभ मे लगभग शून्य रहल, मुदा बीएसएनएल मे ई दर अधिक पाओल गेल।
मीन ओपिनियन स्कोर (MOS) के आधार पर कॉल गुणवत्ता मे रिलायंस जियो आ वीआईएल आगू रहल, जखनकि बीएसएनएल पिछड़ल देखाएल।
डेटा सेवा मे जियो अग्रणी
डेटा सेवा के मामला मे 5जी डाउनलोड स्पीड मे रिलायंस जियो सभसँ आगू रहल, जखनकि एयरटेल दोसर स्थान पर रहल। 4जी सेवा मे सेहो एयरटेल आ जियो के प्रदर्शन संतोषजनक रहल, जबकि बीएसएनएल के स्पीड अन्य कंपनी सभ सँ कम रहल।
राजमार्ग पर नेटवर्क के स्थिति
वडोदरा-अहमदाबाद राजमार्ग पर वॉयस सेवा मे एयरटेल, जियो आ वीआईएल 100 प्रतिशत कॉल सेटअप सफलता दर दर्ज कएने अछि। बीएसएनएल मे कॉल ड्रॉप दर काफी अधिक पाओल गेल।
डेटा सेवा मे सेहो राजमार्ग पर जियो सभसँ अधिक डाउनलोड स्पीड दर्ज कएने अछि, जखनकि एयरटेल दोसर स्थान पर रहल। बीएसएनएल के प्रदर्शन एतय सेहो कमजोर रहल।
शामिल कएल गेल क्षेत्र
एहि आकलन मे गांधीनगर, कोलावाड़ा, सेक्टर-26, सेक्टर-30, कुडासन, अदालज, हंसोल, गिरधर नगर, पिपलाज, गोविंदवाड़ी, विंज़ोल, नवापुरा, कठवाड़ा, नानाचिलोडा, नरोदा, बापूनगर आ मणिनगर सहित कइएक क्षेत्र शामिल रहल। एकरा अतिरिक्त वडोदरा-अहमदाबाद एक्सप्रेसवे-1 पर पोइचा, चिकोडरा, नडियाद, मोडाज आ गेरातनगर जेकाँ स्थान पर सेहो परीक्षण कएल गेल।
आगाँ के कार्रवाई
ट्राई ई स्वतंत्र ड्राइव टेस्ट के निष्कर्ष संबंधित दूरसंचार सेवा प्रदाता सभ के संग साझा कएने अछि, जाहि सँ आवश्यक सुधार कएल जा सकय। विस्तृत रिपोर्ट ट्राई के आधिकारिक वेबसाइट पर उपलब्ध अछि।
विशेषज्ञ सभक मानब अछि जे एहि तरहक स्वतंत्र परीक्षण उपभोक्ता सभ के बेहतर सेवा सुनिश्चित करबाक संग-संग दूरसंचार कंपनी सभ के जवाबदेही तय करए मे महत्वपूर्ण भूमिका निभबैत अछि।