नई दिल्ली। देशक राजधानी दिल्लीक ऐतिहासिक जंतर-मंतर आइ एकटा अनोखा डिजिटल आंदोलनक गवाह बनय जा रहल अछि। सोशल मीडिया पर चर्चित डिजिटल संगठन ‘कॉकरोच जनता पार्टी’ (CJP) केर बैनर तले एकटा पैघ विरोध-प्रदर्शन आयोजित कएल जा रहल अछि। एहि व्यंग्यात्मक आ अनूठ आंदोलनक संस्थापक अभिजीत दिपके आइ भोर करीब 7:30 बजे अमेरिका सँ सीधा दिल्ली पहुँचलाह।
दिल्ली पहुँचते दिपके अपन समर्थकसभ, जिनका ओ प्रेमसँ ‘कॉकरोच’ कहैत छथि, सँ सीधा जंतर-मंतर पहुँचबाक अपील केलनि। सोशल मीडिया मंच एक्स (पूर्व ट्विटर) पर पोस्ट करैत ओ लिखलनि, “सभ कॉकरोच सीधा जंतर-मंतर पहुँचू, पार्लियामेंट स्ट्रीट पुलिस स्टेशन नहि जाउ। हम सभ भोर 10 बजे सँ अपन शांतिपूर्ण विरोध-प्रदर्शन शुरू करब।”
कॉकरोच जनता पार्टीक आधिकारिक सोशल मीडिया हैंडल सँ साझा कएल गेल एक तस्वीरमे संस्थापक अभिजीत दिपके आ पार्टी प्रवक्ता आशुतोष रंका दिल्ली पहुँचलाक बाद देखाइ पड़ैत छथि। तस्वीरमे दिपकेक हाथमे समाज सुधारक डॉ. भीमराव अंबेडकरक आत्मकथाक एक प्रति सेहो देखल जा सकैत अछि।