कोलकाता। पश्चिम बंगालक राजनीतिक इतिहासमे शनिक दिन ऐतिहासिक बनि गेल, जखन राज्यमे पहिल बेर भारतीय जनता पार्टीक सरकारक गठन भेल आ शुभेंदु अधिकारी कोलकाताक ऐतिहासिक ब्रिगेड परेड ग्राउंडमे राज्यपाल आर.एन. रवि द्वारा पश्चिम बंगालक पहिल भाजपा मुख्यमंत्रीक रूपमे शपथ लेलनि। एहि संग राज्यमे एकटा नव राजनीतिक अध्यायक शुरुआत भेल आ 2011 सँ चलि रहल तृणमूल कांग्रेसक 15 वर्षीय शासनक प्रभावी अंत भऽ गेल।
हालांकि एहि ऐतिहासिक शपथ ग्रहण समारोहक बीच सभसँ बेसी चर्चा प्रधानमंत्री नरेंद्र मोदीक ओहि विनम्र आ भावुक अंदाजक रहल, जाहिसँ हजारों उपस्थित लोकक दिल जीत लेलनि।
विशाल जनसमूहक अभिवादन स्वीकार करैत प्रधानमंत्री मोदी मंच सँ बंगालक जनता केँ दंडवत प्रणाम कएलनि। हुनकर ई भावनात्मक आ विनम्र भाव पूरा समारोहक सभसँ यादगार क्षण बनि गेल। जखन प्रधानमंत्री सिर झुकाकऽ जनता केँ प्रणाम कएलनि, तऽ पूरा ब्रिगेड परेड ग्राउंड तालियौं आ जयघोष सँ गूंजि उठल।
I bow to West Bengal’s Jana Shakti!
The people’s blessings are the truest strength of democracy and the noblest source of public resolve. pic.twitter.com/y5oAp7mbez
— Narendra Modi (@narendramodi) May 9, 2026
प्रधानमंत्रीक एहि विनम्र अभिवादन सँ स्पष्ट संदेश गेल जे ओ जनादेश केँ मात्र राजनीतिक जीत नहि, बल्कि जनताक विश्वास आ आशीर्वादक रूपमे देखैत छथि। ई दृश्य उपस्थित समर्थकसभ लेल अत्यंत भावुक आ प्रेरणादायक रहल।
समारोहक दौरान प्रधानमंत्री मोदी भाजपा केर वरिष्ठतम कार्यकर्तामे सँ एक 98 वर्षीय मक्खनलाल सरकार सँ आशीर्वाद लऽ संगठनक प्रति सम्मान आ संस्कारक मिसाल सेहो पेश कएलनि। स्वतंत्रताक बाद राष्ट्रवादी विचारधारासँ जुड़ल शुरुआती जमीनी कार्यकर्तासभमे शामिल मक्खनलाल सरकारक प्रति प्रधानमंत्रीक सम्मान राजनीतिक हलकामे चर्चा केर विषय बनल रहल।
ई ऐतिहासिक आयोजन एहि लेल सेहो खास रहल किएक तँ ई गुरुदेव रवींद्रनाथ टैगोरक जयंतीक अवसर पर संपन्न भेल। समारोह शुरू होए सँ पहिने प्रधानमंत्री मोदी शुभेंदु अधिकारीक संग टैगोर केँ श्रद्धांजलि अर्पित कऽ बंगालक सांस्कृतिक विरासत केँ नमन कएलनि।
एहि अवसर पर केंद्रीय गृह मंत्री अमित शाह, कई केंद्रीय मंत्री, भाजपा शासित राज्यसभक मुख्यमंत्री आ पार्टीक शीर्ष नेता उपस्थित रहलाह। देशभरिसँ आयल नेतासभ आ कार्यकर्तासभ पश्चिम बंगालमे भाजपा सरकारक गठन केँ राष्ट्रीय राजनीति केर एकटा पैघ मोड़ बतौलनि।
मुख्यमंत्री पदक शपथ लेलाक बाद शुभेंदु अधिकारी राज्यमे पारदर्शी शासन, समावेशी विकास आ जनकल्याण केँ प्राथमिकता देबाक संकल्प दोहरौलनि। राजनीतिक विश्लेषकसभक अनुसार, ई बदलाव पश्चिम बंगालक राजनीति केँ नव दिशा देत।
प्रधानमंत्री मोदीक दंडवत प्रणाम एहि पूरा समारोहक सभसँ मानवीय आ प्रेरक दृश्य बनिकऽ उभरल, जाहिसँ फेर साबित भेल जे राजनीतिक जीतक सबसे पैघ शक्ति विनम्रतामे निहित होइत अछि।