मुंबई: भारतक अग्रणी चारिचक्का इलेक्ट्रिक वाहन निर्माता TATA.ev अपन नवका Curvv.ev SeriesX लॉन्च कएने अछि। कंपनी इलेक्ट्रिक मोबिलिटीमे प्रदर्शन, आराम आ भरोसेमंद अनुभव चाहनिहार ग्राहकक लेल दूटा प्रीमियम लॉन्ग-रेंज वैरिएंट पेश केने अछि।
नव लाइनअपक शुरुआती कीमत ₹16.99 लाख (एक्स-शोरूम, मुंबई) राखल गेल अछि। एहि सीरीजमे Accomplished X 55 आ Empowered X 55 वैरिएंट शामिल अछि। कंपनी Nitro Crimson नामक नव रंग विकल्प सेहो पेश केने अछि, जेकरा संग लोकप्रिय #DARK एडिशन उपलब्ध रहत।
55 kWh बैटरी पैक सँ लैस Curvv.ev SeriesX ARAI प्रमाणित 502 किलोमीटरक रेंज देत अछि। वास्तविक परिस्थितिमे ई लगभग 400 किलोमीटर धरि चलबाक क्षमता रखैत अछि, जाहिसँ इंटरसिटी यात्रा बेझिझक संभव भऽ सकत। ग्राहकक भरोसा बढ़ेबाक लेल TATA.ev पहिल मालिक लेल लाइफटाइम हाई-वोल्टेज बैटरी वारंटी सेहो दैत अछि।
कीमत (एक्स-शोरूम, मुंबई)
- Accomplished X 55 – ₹16.99 लाख
- Empowered X 55 – ₹19.19 लाख
- Empowered X 55 #DARK – ₹19.49 लाख
लॉन्च अवसर पर टाटा पैसेंजर इलेक्ट्रिक मोबिलिटी लिमिटेडक मुख्य वाणिज्यिक पदाधिकारी विवेक श्रीवत्स कहलनि जे Curvv.ev SeriesX इलेक्ट्रिक मोबिलिटीकेँ बेसी सुलभ, आकर्षक आ तनावमुक्त बनाबए लेल डिजाइन कएल गेल अछि।
ओ कहलनि जे 55 kWh बैटरी, 502 किलोमीटरक रेंज आ लाइफटाइम बैटरी वारंटी संग ई भारतक पहिल SUV Coupé अछि, जे ग्राहककेँ प्रीमियम फीचर आ दमदार वैल्यू प्रदान करैत अछि।
टाटाक अत्याधुनिक acti.ev प्योर EV आर्किटेक्चर पर आधारित ई गाड़ी 167 HP पावर आ 215 Nm इंस्टैंट टॉर्क प्रदान करैत अछि, जाहिसँ शहर आ हाईवे दुनूमे शानदार ड्राइविंग अनुभव भेटत।
Accomplished X 55 केर खास फीचर
- ओपनएबल पैनोरमिक सनरूफ
- डुअल 26.03 सेमी डिजिटल डिस्प्ले
- वायरलेस Android Auto आ Apple CarPlay
- 360 डिग्री कैमरा
- ब्लाइंड-स्पॉट मॉनिटर
- प्रीमियम लेदरेट अपहोल्स्ट्री
- वेंटिलेटेड कम्फर्ट सीट
Empowered X 55 केर प्रीमियम फीचर
- फ्रंट सीट एक्टिव वेंटिलेशन
- 6-वे पावर एडजस्टेबल ड्राइवर सीट
- 31.24 सेमी HARMAN सिनेमैटिक टचस्क्रीन
- JBL 9-स्पीकर साउंड सिस्टम
- 20 सुरक्षा फीचर संग Level-2 ADAS
- जेस्चर कंट्रोल्ड पावर्ड टेलगेट
- Vehicle-to-Vehicle आ Vehicle-to-Load सुविधा
- स्मार्ट लाइटिंग एनिमेशन
Curvv.ev SeriesX केर लॉन्च सँ TATA.ev भारतक मिड-साइज इलेक्ट्रिक SUV बाजारमे अपन पकड़ आरो मजबूत करबाक लक्ष्य रखैत अछि।