नई दिल्ली। भारतक प्रमुख एयरलाइन इंडिगो 29 अप्रैल 2026 सँ चेन्नई आ रियूनियन आइलैंड (फ्रांसक विदेशी क्षेत्र)क बीच सीधा उड़ान सेवा शुरू कएने अछि। ई सेवा हफ्ता में तीन दिन संचालित होएत आ एकरा लेल एयरलाइन अपन एयरबस A320 विमानक उपयोग कए रहल अछि।
इंडिगोक ग्लोबल सेल्स प्रमुख विनय मल्होत्रा कहलनि जे रियूनियन आइलैंडक सीधा उड़ान सेवा शुरू होएब एयरलाइनक विस्तारित नेटवर्क लेल एकटा महत्वपूर्ण उपलब्धि अछि। हुनकर अनुसार, हिंद महासागर क्षेत्र में स्थित ई द्वीप अपन मनमोहक प्राकृतिक दृश्य, स्वच्छ समुद्र तट, घना वर्षावन आ रोमांचक पर्यटन गतिविधि लेल प्रसिद्ध अछि।
हुनका कहलनि जे ई रूट शुरू होएला सँ इंडिगो भारत आ रियूनियन आइलैंडक बीच सीधा सेवा देबय वाली एकमात्र भारतीय एयरलाइन बनि गेल अछि। एहि सँ पर्यटन, व्यापार आ पारिवारिक यात्रा करनिहार यात्री सभकेँ बेसी सुविधा भेटत।
रियूनियन आइलैंड अपन ऊँच ज्वालामुखीय पहाड़, झरना, हरियर जंगल आ खूबसूरत समुद्री तट लेल विश्वभर में प्रसिद्ध अछि। द्वीपक कतेको हिस्सा, जाहिमे प्रसिद्ध पिटोंस, सर्क्स आ रैंपार्ट्स शामिल अछि, यूनेस्को विश्व धरोहर स्थलक मान्यता प्राप्त कएने अछि।
एतयक सांस्कृतिक पहचान अफ्रीकी, यूरोपीय, भारतीय आ एशियाई प्रभावक अनूठ मिश्रण सँ बनल अछि। लक्जरी पर्यटनक संग-संग ई द्वीप प्रकृति प्रेमी, एडवेंचर यात्री आ बिजनेस ट्रैवलर सभ लेल सेहो आकर्षणक केंद्र बनि रहल अछि।
रियूनियन आइलैंड पर लगभग तीन लाख भारतीय मूलक लोक रहैत छथि, जे कुल आबादीक एक-तिहाई सँ बेसी छथि। एहि कारण भारत सँ यात्रा केर मांग लगातार बढ़ि रहल अछि।
विशेषज्ञक मानब अछि जे भारतक व्यापार, चिकित्सा, वेलनेस आ धार्मिक पर्यटन केंद्रक रूप में बढ़ैत महत्व, आ पूर्वी एशिया सँ जुड़बाक प्रमुख हब होएबाक कारण ई नया उड़ान सेवा दीर्घकालिक रूप सँ काफी सफल साबित होएत।