नासिक : आईटी कंपनी टाटा कंसल्टेंसी सर्विसेज (TCS) के नासिक शाखा सँ जुड़ल मामला दिन-प्रतिदिन गंभीर बनैत जा रहल अछि। महिला कर्मचारी सभ द्वारा यौन उत्पीड़न आ जबरन धर्म परिवर्तन के आरोप के बाद आब एक पुरुष कर्मचारी सेहो अपन आपबीती साझा कएने छथि, जत’ ओ मानसिक, धार्मिक आ कार्यस्थल पर उत्पीड़न के गंभीर आरोप लगौने छथि।
पीड़ित कर्मचारी मीडिया सँ बातचीत में दावा केलनि जे हुनका किछु सहकर्मी द्वारा नमाज पढ़ए आ धार्मिक टोपी पहिरए लेल दबाव देल गेल। ओ ईहो आरोप लगौलनि जे हुनकर निजी जीवन के मजाक उड़ाओल गेल आ आपत्तिजनक टिप्पणी कएल गेल।
पीड़ित के अनुसार, ई उत्पीड़न 2022 में कंपनी जॉइन कएलाके किछु समय बादे शुरू भ’ गेल छल। हुनका आरोप अछि जे टीम लीडर आ किछु अन्य सहकर्मी लगातार हुनका निशाना बनबैत छलथि, अतिरिक्त काम देत छलथि आ मानसिक रूप सँ परेशान करैत छलथि।
एहि मामला में पहिलेसँ दर्ज एफआईआर में किछु आरोपी के नाम सामने आबि चुकल अछि। एक महिला कर्मचारी सेहो आरोप लगौने छलथि जे हुनका संग जबरदस्ती के प्रयास कएल गेल आ हुनकर धार्मिक विश्वास पर प्रभाव डाले के कोशिश भेल। पुलिस एहि मामला में कई आरोपी के गिरफ्तार कएने अछि आ अब तक कुल नौ मामला दर्ज कएल जा चुकल अछि।
पीड़ित कहलनि जे हुनकर धार्मिक पहचान के लेकर मजाक उड़ाओल जाइत छल। ओ आरोप लगौलनि जे सहकर्मी सभ हिंदू देवी-देवता आ धार्मिक मान्यता पर आपत्तिजनक टिप्पणी करैत छलथि।
ओ ईहो दावा केलनि जे नाइट शिफ्ट के बाद हुनका होटल में ल’ जा क’ मांसाहारी भोजन खाए लेल दबाव देल जाइत छल, जबकि ओ सख्त शाकाहारी छथि। मना कएला पर हुनकर विश्वास के मजाक उड़ाओल जाइत छल।
पीड़ित के अनुसार, 2023 में ईद के समय हुनका एक सहकर्मी के घर ल’ जाएल गेल, जत’ जबरन टोपी पहिरा क’ नमाज पढ़ए लेल कहल गेल आ ओकर फोटो खींच क’ कंपनी ग्रुप में साझा कएल गेल।
एहिसँ अलावा, ओ आरोप लगौलनि जे हुनकर पारिवारिक स्थिति पर सेहो मजाक कएल गेल आ अत्यंत अपमानजनक टिप्पणी कएल गेल। विरोध करए पर हुनका संग मारपीट कएल गेल आ जान सँ मारए के धमकी देल गेल।
पीड़ित ईहो आरोप लगौलनि जे हुनका पर धर्म परिवर्तन लेल दबाव बनाओल गेल। विरोध कएला पर हुनका नौकरी सँ हटाब’ लेल झूठ शिकायत दर्ज कराओल गेल।
हालांकि, एहि सभ आरोप के स्वतंत्र पुष्टि एखन बाकी अछि। पुलिस मामला के जांच में जुटल अछि आ संबंधित पक्ष सँ पूछताछ जारी अछि।
ई मामला कार्यस्थल पर सुरक्षा, धार्मिक स्वतंत्रता आ कर्मचारी अधिकार के लेकर गंभीर सवाल खड़ा करैत अछि।