नई दिल्ली। अखिल भारतीय विद्यार्थी परिषद (अभाविप) दिल्ली स्थित दूरदर्शन कार्यालय पर एनएसयूआई कार्यकर्ता सभ द्वारा कएल गेल तोड़फोड़ आ हिंसक हमला के कड़ा शब्द में निंदा कएने अछि। संगठन कहलनि जे ई घटना लोकतांत्रिक मूल्य के खिलाफ अछि आ एकर असर संस्थागत गरिमा पर पड़ैत अछि।
अभाविप के मुताबिक मीडिया लोकतंत्र के चौथा स्तंभ अछि, आ दूरदर्शन जेकाँ सार्वजनिक संस्था के बाहर एहि तरह के हिंसक प्रदर्शन व्यवस्था के बाधित करैत अछि। सार्वजनिक संपत्ति के नुकसान पहुँचाब’ आ अराजकता फैलाब’ के कखनो उचित नहि ठहरावल जा सकैत अछि।
जानकारी अनुसार वरिष्ठ पत्रकार अशोक श्रीवास्तव द्वारा एक टीवी शो में वीर सावरकर पर कएल गेल टिप्पणी के जवाब देल गेल छल, जकर विरोध में एनएसयूआई द्वारा आंदोलन के आह्वान कएल गेल। मुदा प्रदर्शन जल्दी हिंसक बनि गेल आ दूरदर्शन कार्यालय के बाहर तोड़फोड़ संग कर्मचारी सभ सं हाथापाई सेहो कएल गेल।
अभाविप एकरा छात्र राजनीति के गिरैत स्तर के प्रतीक बतबैत कहलनि जे संगठन सदैव संवाद, लोकतांत्रिक प्रक्रिया आ संवैधानिक मर्यादा के भीतर रहि अपन बात रख’ में विश्वास करैत अछि। बीतल किछु महीना में एनएसयूआई द्वारा विभिन्न स्थान पर हिंसक प्रदर्शन—जैसे भारत मंडपम में एआई समिट के विरोध, राजस्थान विश्वविद्यालय आ दिल्ली विश्वविद्यालय छात्रसंघ कार्यालय में तोड़फोड़—एकर प्रवृत्ति के दर्शबैत अछि।
अभाविप दिल्ली प्रदेश मंत्री सार्थक शर्मा कहलनि जे एनएसयूआई के मूल प्रवृत्ति शुरू सँ हिंसक रहल अछि आ समय-समय पर ई अपन आकाओं के खुश करए लेल एहि तरह के कृत्य करैत रहल अछि। हुनका अनुसार दूरदर्शन जेकाँ राष्ट्रीय महत्व के संस्था पर हमला अत्यंत निंदनीय अछि आ ई लोकतांत्रिक मूल्य पर सीधा आघात अछि।
अभाविप दिल्ली पुलिस सँ मांग कएलक अछि जे एहि घटना में शामिल दोषी सभ पर कड़ा कार्रवाई कएल जाव, जाहि सँ भविष्य में एहि तरह के घटना दोहराए नहि। संगठन ईहो कहलनि जे अतीत में सेहो पत्रकार सभ पर सेंसरशिप आ हमला जेकाँ घटना लोकतंत्र लेल गंभीर खतरा रहल अछि।