नई दिल्ली। अक्षय तृतीया जेकाँ पावन अवसर पर एहि साल सोना खरीदारी के तरीका मे आधुनिक बदलाव देखए के मिल रहल अछि। BharatPe आ Kalyan Jewellers द्वारा शुरू कएल गेल नव पहल डिजिटल निवेश आ सुरक्षित खरीदारी के दिशा मे एकटा महत्वपूर्ण कदम मानल जा रहल अछि।
डिजिटल गोल्ड महोत्सव सँ निवेश बनल आसान
अक्षय तृतीया के ध्यान मे रखैत BharatPe “अक्षय तृतीया गोल्ड महोत्सव” शुरू कएने अछि, जे 14 सँ 19 अप्रैल 2026 तक चलत। एहि दौरान ग्राहक 24 कैरेट डिजिटल गोल्ड मे निवेश क सकैत छथि।
ई अभियान मे योग्य ट्रांजेक्शन पर 10% तक “गोल्डबैक” के लाभ भेटैत अछि। एकर संग हर निवेश पर ₹1 लाख के मेगा जैकपॉट मे भाग लेबाक मौका सेहो भेटैत अछि। ओतहि 10 भाग्यशाली विजेता के ₹10,000 मूल्य के डिजिटल गोल्ड जीतए के अवसर देल जा रहल अछि। हर ट्रांजेक्शन पर इंस्टेंट रिवॉर्ड्स एहि योजना के आरो आकर्षक बनाबैत अछि।
‘गोल्ड प्राइस लॉक’ सँ कम भेल जोखिम
दोसर दिस, Instamart आ Kalyan Jewellers मिलि क “गोल्ड प्राइस लॉक” सुविधा शुरू कएने अछि। एहि सुविधा सँ ग्राहक पहिने सोना के दाम लॉक क सकैत छथि।
एहि मे ग्राहक के भुगतान के समय दू विकल्प भेटैत अछि—लॉक कएल गेल दाम या अक्षय तृतीया के दिन के बाजार भाव, जे कम होय, ओही हिसाब सँ भुगतान करए पड़त। एहि सँ दाम मे उतार-चढ़ाव के जोखिम काफी हद तक कम भ’ जाइत अछि।
सहज प्री-बुकिंग आ अतिरिक्त लाभ
ग्राहक केवल 5% अग्रिम राशि (₹500 सँ शुरू) देके गोल्ड कॉइन प्री-बुक क सकैत छथि। खास बात ई अछि जे हर प्री-बुकिंग पर मुफ्त BIS हॉलमार्क सिल्वर कॉइन सेहो देल जा रहल अछि, जाहि सँ ऑफर के आकर्षण बढ़ि रहल अछि।
परंपरा आ तकनीक के संगम
कंपनी अधिकारी सभ के अनुसार, ई पहल ग्राहक के भरोसा बढ़ाबैत अछि आ क्विक कॉमर्स के केवल सुविधा तक सीमित नहि रखैत, बल्कि सांस्कृतिक खरीदारी अनुभव के हिस्सा बना रहल अछि। अक्षय तृतीया 2026 पर डिजिटल गोल्ड आ ‘प्राइस लॉक’ जेकाँ पहल ई दर्शाबैत अछि जे परंपरा आ तकनीक के संगम सँ निवेश के तरीका आब औरो स्मार्ट, सुरक्षित आ सुविधाजनक बनि रहल अछि।