मुंबई : मुंबईक बांद्रा स्थित उत्तर भारतीय संघ मे 28 आ 29 मार्च के आयोजित “मेड इन इंडिया स्वदेशी रनवे सीजन 8” फैशन आ सामाजिक संदेशक एक अनोखा संगम पेश केलक। एहि भव्य आयोजन मे 500 सँ अधिक मॉडल्स रैंप पर अपन अंदाजक जलवा बिखेरलक, जाहिसँ ई शो युवा प्रतिभा लेल एकटा पैघ आ प्रभावशाली मंच बनि कए उभरल।
आईएमएफएल (मॉडलिंग, फैशन आ लाइफस्टाइल संस्थान) क सहयोग सँ आयोजित एहि शो क मुख्य उद्देश्य ‘स्वदेशी’ के बढ़ावा देनाइ आ देशभरक उभरैत मॉडल्स, डिजाइनर आ कलाकार सभ कें पहचान देनाइ छल। रनवे डायरेक्टर दीप्ति वोरा आ हुनकर टीम पूरा कार्यक्रम के शानदार ढंग सँ संचालित केलक, जखनकि लगभग 200 मेकअप आर्टिस्ट, 20 फैशन डिजाइनर आ 50 स्टाइलिस्ट मिलि कए एहि आयोजन के भव्य रूप देलक।
एहि शो क अवधारणा सोनिया मेयर्स क रहल अछि, जिनका सरकार, बॉलीवुड आ फैशन इंडस्ट्री सँ भरपूर समर्थन भेटल अछि। ओ डॉ. एपीजे अब्दुल कलाम भारत पुरस्कारक संस्थापक सेहो छथि, जेकर शुरुआत 2017 मे भेल छल। कार्यक्रम मे डॉ. कलामक परिवारक उपस्थिति एकरा आर खास बना देलक।
एहि आयोजनक खासियत केवल फैशन धरि सीमित नहि रहल, बल्कि सामाजिक सरोकार सभ के सेहो प्रमुखता देल गेल। पुलिस हेल्पलाइन के बढ़ावा देनाइ आ ट्रांसजेंडर समुदाय क सशक्तिकरण जेकाँ महत्वपूर्ण मुद्दा सभ के मंच पर उठाओल गेल। भारतीय सेना आ पुलिसक समर्थन सँ ई कार्यक्रम केवल फैशन शो नहि, बल्कि समाज के सकारात्मक संदेश देबाक एक सशक्त माध्यम सेहो बनल।