काठमांडू। नेपाल मे बालेंद्र शाह के नेतृत्व में नव सरकार बनल अछि। रैपर के रूप में प्रसिद्ध भेल बालेन मात्र 35 वर्ष के उम्र में नेपाल के सबसँ कम उम्र के प्रधानमंत्री छथि। एतबे नहि, ओ नेपाल के पहिल मधेसी प्रधानमंत्री सेहो छथि। सबस खास बात जे स्वयं प्रधानमंत्री सहित हुनकर मंत्रिमंडल के अधिकांश सदस्य भारत में पढ़ाई कएने छथि।
नेपाल में बालेन शाह के नेतृत्व वाला 15 सदस्यीय कैबिनेट में सँ करीब एक-तिहाई (चारि) सदस्य भारत में पढ़ाई कएने छथि। प्रधानमंत्री बालेंद्र शाह बंगलुरु के मीनाक्षी इंस्टीट्यूट ऑफ टेक्नोलॉजी सँ डिग्री लेलनि छथि। हुनक अलावा परिवहन आ शहरी विकास मंत्री सुनील लमसाल, स्वास्थ्य मंत्री निशा मेहता आ सामान्य प्रशासन मंत्री प्रतिभा रावल सेहो भारत में पढ़ल छथि।
पीएम बालेंद्र शाह
बालेन शाह स्ट्रक्चरल इंजीनियर छथि। ओ 2018 में स्ट्रक्चरल इंजीनियरिंग में मास्टर ऑफ टेक्नोलॉजी (M.Tech) के डिग्री हासिल केलनि। 2016 सँ 2018 के बीच ओ बेंगलुरु स्थित निट्टे मीनाक्षी इंस्टीट्यूट ऑफ टेक्नोलॉजी में पढ़ाई केलनि। एहि साल चुनाव जीतला के बाद ओ नेपाल के सबसँ कम उम्र के कैबिनेट में सँ एक के नेतृत्व कए रहल छथि।
सुनील लमसाल
35 वर्ष के इंफ्रास्ट्रक्चर एक्सपर्ट सुनील लमसाल सेहो भारत सँ पढ़ाई केने छथि। लमसाल के जिम्मा शहरी विकास आ इंफ्रास्ट्रक्चर निर्माण मंत्रालय अछि। ओहो निट्टे मीनाक्षी इंस्टीट्यूट ऑफ टेक्नोलॉजी के पूर्व छात्र छथि। ओ इंजीनियरिंग मे मास्टर डिग्री लेने छथि।
निशा मेहता
स्वास्थ्य मंत्री निशा मेहता 2006 सँ 2010 के बीच नई दिल्ली स्थित अखिल भारतीय आयुर्विज्ञान संस्थान (AIIMS) के कॉलेज ऑफ नर्सिंग में पढ़ाई केलनि। ओ ग्वालियर यूनिवर्सिटी के सेहो पूर्व छात्रा छथि। बिराट टीचिंग हॉस्पिटल में काज करबाक बाद आब ओ देश के स्वास्थ्य मंत्री छथि।
प्रतिभा रावल
नेपाल के संघीय मामला आ सामान्य प्रशासन, सहकारिता आ गरीबी उन्मूलन मंत्री प्रतिभा रावल चेन्नई के एशियन कॉलेज ऑफ जर्नलिज्म के 2014-15 बैच के छात्रा रहि चुकल छथि।
नेपालक युवा के भारत आबि पढ़ाई करबाक परंपरा रहल अछि। राजनीति आ आन क्षेत्र में नाम कमेनिहार बहुतो नेपाली व्यक्तित्व भारत में पढ़ल छथि। नेपाल के पूर्व प्रधानमंत्री बाबूराम भट्टराई 1970 के दशक में चंडीगढ़ कॉलेज ऑफ आर्किटेक्चर आ जवाहरलाल नेहरू विश्वविद्यालय में पढ़ाई कएने छलथि।
पिछला वर्ष नेपाल में युवा सभ के विरोध प्रदर्शन के बाद केपी ओली शर्मा के सरकार गिरि गेल छल, तकर बाद सुशीला कार्की के अंतरिम प्रधानमंत्री बनाओल गेल। नेपाल के पहिल महिला मुख्य न्यायाधीश बनबाक रिकॉर्ड रखनिहार सुशीला कार्की बनारस हिंदू विश्वविद्यालय सँ पढ़ाई केलनि। ओ 1975 में BHU सँ राजनीति विज्ञान में डिग्री हासिल केने छलथि।