बेंगलुरु। भारतक पालतू पशु पोषण क्षेत्र मे एक महत्वपूर्ण पहल अंतर्गत तेजी स’ बढ़ैत पेट फूड कंपनी ड्रूल्स, टेट्रा पैक संगे साझेदारी क’ फ्रेश पेट फूड सेगमेंट मे प्रवेश कयलक अछि। एहि संग कंपनी एडवांस्ड प्रोसेसिंग आ पैकेजिंग इंफ्रास्ट्रक्चर मे करीब 180 करोड़ रुपैया निवेश करबाक घोषणा कयलक अछि।
एहि पहल संग ड्रूल्स एशिया क’ पहिल पेट फूड ब्रांड बनि गेल अछि, जे टेट्रा रिकार्ट® पैकेजिंग मे फ्रेश पेट फूड पेश क’ रहल अछि। ई कदम वैश्विक पैकेजिंग टेक्नोलॉजी, बड़े स्तर पर उत्पादन आ भारतीय बाजार मे पालतू पशु पोषण क’ नव रूप देबाक दिशा मे महत्वपूर्ण मानल जा रहल अछि।
भारत मे पालतू जानवर क’ संख्या लगातार बढ़ि रहल अछि आ लोक अपन पालतू के परिवारक सदस्य जेकाँ देखैत छथि। एही कारणे बेहतर आ पोषक विकल्पक मांग तेजी स’ बढ़ि रहल अछि। देशक पेट फूड बाजार फिलहाल 700–900 मिलियन अमेरिकी डॉलर क’ आसपास अछि आ हर साल 11–16 प्रतिशत क’ दर स’ बढ़ि रहल अछि।
ड्रूल्स अपन फ्रेश पेट फूड रेंज मे किछु खास वैरिएंट लॉन्च कयलक अछि, जाहि मे रियल चिकन एंड वेजिटेबल्स, रियल चिकन एंड टर्की, रियल चिकन एंड पंपकिन आ रियल चिकन एंड बिरयानी शामिल अछि। ई उत्पाद 150 ग्राम आ 350 ग्राम पैक साइज मे उपलब्ध रहत।
कंपनी क’ फाउंडर फहीम सुल्तान कहलन्हि जे भारतक पेट फूड बाजार आब एक महत्वपूर्ण मोड़ पर अछि। लोक अपन पालतू लेल ताजा आ सुरक्षित पोषण चाहैत छथि। टेट्रा पैक संगे साझेदारी स’ आधुनिक प्रोसेसिंग आ पैकेजिंग तकनीक भारत मे आबि रहल अछि, जाहि स’ फ्रेश पेट फूड के बड़े स्तर पर उपलब्ध कराओल जा सकत।
एहि रेंज क’ खास बात ई अछि जे ई बिना प्रिजर्वेटिव के बनल अछि आ खोलबा स’ पहिले फ्रिज मे रखबाक जरूरत नहि पड़ैत अछि। टेट्रा पैक तकनीक स’ फूड सुरक्षित रहैत अछि, पोषक तत्व बनल रहैत अछि आ कोल्ड-चेन लॉजिस्टिक्स क’ जरूरत सेहो समाप्त भ’ जाइत अछि।
टेट्रा पैक क’ साउथ एशिया मार्केट्स क’ मैनेजिंग डायरेक्टर कैसियो सिमोएस कहलन्हि जे ई सहयोग भारत मे पेट न्यूट्रिशन क’ भविष्य तय करबाक दिशा मे महत्वपूर्ण कदम अछि।
विशेषज्ञक अनुसार, ई पहल न केवल एकटा नव उत्पाद श्रेणी शुरू करैत अछि, बल्कि भारत मे पालतू पशु पोषण क’ तरीका के पूरी तरह बदलि देबाक क्षमता राखैत अछि।