मुंबई : ग्लैमर, प्रतिभा आ बहुआयामी पहचानक अद्भुत संगम हालहि मे आयोजित एक प्रतिष्ठित अवॉर्ड समारोह मे देखल गेल, जतय बॉलीवुड अभिनेता वरुण धवन अभिनेता, प्रोड्यूसर आ उद्यमी निकिता रावल केँ “बेस्ट रियलिटी शो होस्ट” पुरस्कारसँ सम्मानित कएलनि। ई खास क्षण सिर्फ समारोहक आकर्षण नहि बढ़ेलक, बल्कि निकिताक लगातार आगाँ बढ़ैत करियर केँ सेहो एकटा नव पहचान देलक।
निकिता रावल केँ ई सम्मान अभिनेत्री सनी लियोनी संग रियलिटी शो होस्ट करबाक उत्कृष्ट प्रदर्शन लेल भेटल। हुनकर आत्मविश्वाससँ भरल एंकरिंग, सहज संवाद शैली आ प्रभावशाली स्क्रीन प्रेजेंस दर्शक सभक संग-संग मनोरंजन उद्योगक दिग्गज सभक सेहो दिल जीत लेलक।
पुरस्कार ग्रहण करैत निकिता अपन पूरी टीम आ शुभचिंतक सभक प्रति आभार व्यक्त कएलनि। हुनकर कहब छल जे ई सम्मान हुनका आओर बेसी मेहनत करबाक आ दर्शक सभक लेल बेहतर आ सार्थक मनोरंजन प्रस्तुत करबाक प्रेरणा देत।
अभिनेत्री, प्रोड्यूसर, समाजसेवी आ उद्यमी केर रूप मे अपन अलग पहचान बना चुकल निकिता रावल लगातार सफलता केर नव आयाम छू रहल छथि। ई सम्मान हुनकर बहुमुखी प्रतिभा, समर्पण आ कड़ी मेहनतिक प्रमाण अछि, जाहिसँ ओ मनोरंजन जगतक सभसँ बहुआयामी आ प्रेरणादायक व्यक्तित्व सभ मे एक गिनल जाइत छथि।